EC;; 人生苦短, 活在當下, 珍惜眼前人

依篇blog唔係每個人都睇到,我唔想其他同學睇到會傷心!
我真係好想用文字去表達自己現在既心情, 所以一返到屋企就打左依篇文!

其實依一個係人所共知既事實, 已經冇得改變啦! 同學既病已經到左末期!
雖然化療已經做過, 可惜...你只有2個月既健康!

岩岩夜晚見到你地( )
我地之前商討過好多地方做今次既聚腳點, 最終都選擇去你屋企, 因為你已經冇多餘既氣力! 令人好心痛!

見到你真係好難受, 你根本已經好瘦...依家見到你更加令人心痛!
平時我地怕食左生暗瘡既薯片, 蝦片...原來對你黎講都係奢侈品!
見你講返中學時候既開心同歡樂...我想, 我希望還會有依個機會!
見你居住o係一個十分舒適既環境...不過我知道你一個人好寂寞!
見你行路, 我都唔知可以幫你做到d咩!

今次依個gathering真係來得好突然, 聽同學講我先明白原來真係有依個迫切既需要! 我都考慮左成晚今早先答應去!
阿晞講返之前既對話... "我原本唔可以到呀, 之後阿等就講: 如果你今日唔到, 可能就冇機會見!" (聽到依到真係好想喊...)
唉..做咩人生咁脆弱...一個原本咁可愛既女仔, 因病折磨到如此地步!

我真係唔想o個日既來臨! 已經試過一次, 而且錯失一次!
唉, 人生苦短, 要活在當下, 珍惜眼前人!

現在, 我同樣想起你, M